Ditmir Bushati, Ministër i Jashtëm ende në detyrë, është pyetur nga gazetarët ditën e sotme, nëse kishte bërë ndonjë gabim gjatë kohës në detyrën e Ministrit të Jashtëm.
Ministri Bushati është shprehur se: Duhet të kem bërë më shumë sesa një gabim por periudha e reflektimit nuk ka filluar dhe të garantoj që do të jetë i plotë”
Deklarata u be gjate konferencës së përbashkët me ministrin e Jashtëm i Mbretërisë së Holandës, Stef Blok sot paradite në Tiranë.
Aktualisht Ditmir Bushati ndodhet ende në detyrë për shkak se presidenti nuk ka firmosur dekretimin e shkarkimit të tij, refuzoi kandidatin Genc Cakaj të propozuar nga kryeministri Rama për këtë post dhe ende nuk ka vendosur nëse do të dekretojë emrin e kryeministrit Rama si personi që mund të mbajë këtë detyrë.
