Kryetarja e LSI-së, Monika Kryemadhi, ka hedhur akuza kundër Edi Ramës, dhe tha se është më gjakatar se çdo pushtues tjetër që ka pasur në Shqipëri.
Sipas saj, Rama ka një projekt të shesë Shqipërinë. Më tej Kryemadhi ironizoi, kryeministrin për mbajtjen e kufjeve në Kuvend dhe i sugjeroi që të vendos syzë për të parë dhe mjerimin që ka në Shqipëri.
Ndërsa në përfundim të fjalës Kryemadhi theksoi se në kapitullin e fundit të historisë së tij në pushtet do të shkruhet: “E rrëzoi nga pushteti rinia por e dënoi me pak vonesë drejtësia”.
“Edhe diktatorët më të egër nuk kanë qenë kaq të pashpirt me ne shqiptarët, kur shikon gra dhe fëmijë, pleq dhe plaka që në të gjithë vendin jetojnë nën pushtetin e ujit. Ndërkohë që qeveria jonë shurdhmemece dhe qorre as nuk ndjen nëse janë gjallë ata njerëz apo kanë strehë ku të fusin kokën apo nëse kanë ushqim për fëmijët e tyre. Kjo qeveri mendon vetëm një ditë për ta se si tu vjedhë votën.
Tashmë veriu i Shqipërisë për veç varfërisë ekstreme duhet të paguaj dhe taksën e izolimit. Por Rama ka vetëm një projekt politik “Shqipëria në shitje”, pasi e ktheu në një vend me prodhimin me më të lartë. Kjo qeveri së shpejti do të jap dhe pacientët me koncesion pasi me spitalet mbaroi, kjo qeveri i ka dhënë të gjitha me koncesion.
Ujin po e paguajnë si naftë dhe naftën sikur të jenë danezë, qeveri po mbush vendim me kulla që po mbin si kërpudha. Kemi kryeministri i cili e quan sukses depërtimin e 10 % të popullsisë. Kemi më shumë shitës sesa klientë
Edhe pse nuk ka vënë kufje nuk ka veshë për të dëgjuar, por ai duhet të vendos syze që të shikojë vetëm ato që shikon në “Facebook”, por të shikoj dhe mjerimin.
Të gjithë e dinë se Rama, nuk ka kursyer askënd nga njerëzit e tij më të afërt, bashkëpunëtorë, e dinë që nuk ka kursyer as familjarët e tij kur ka qenë fjala për të ruajtur karrigen.
Ku e ke ish ministrin që kanabizoi vendin, paratë e të cilit të sollën në pushtet. Në këtë sallë në krah ka njerëz milionerë, por që nuk justifikojnë dot as makinat me të cilat lëvizin. Ke njerëz që bëjnë jetë luksoze dhe i sheh në shoqërinë e banditëve dhe kriminelëve por hesht, se i shërbejnë.
Në kapitullin e tij të fundit të historisë së tij do të shkruhet gjithashtu: “E rrëzoi nga pushteti rinia por e dënoi me pak vonesë drejtësia”, tha Kryemadhi. TIRANA TODAY
