Tre persona, një çift të moshuarish dhe një vajzë, kanë humbur jetën tragjikisht në një aksident të rëndë të ndodhur mëngjesin e sotëm në aksin Levan-Tepelenë pranë fshatit Varipob.
Automjeti i tyre tip Suzuki me targa greke IHZ 1755 humbi kontrollin dhe ra në një kanal në anë të rrugës. Shoferi dhe dy pasagjerët humbën jetën pasi u mbytën në ujë. Viktimat janë ende të paidentifikuara.
Në vendngjarje shkuan forcat e ndihmës së shpejtë për të njerrë nga kanali tre viktimat e mbytur brenda makinës. Në pamjet e siguruara nga ABC News, janë momentet e para kur autoritetet po nxjerrin trupat e pajetë nga kanali me ujë. Dyshohet se çifti i të moshuarve dhe gruaja ishin duke u kthyer nga dasma.
