Ish-kryeministri Berisha ka komentuar sulmin e planifikuar për eliminimin fizik të kreut të PD-së, Lulzim Basha.
I ftuar në “360 Gradë” nga Artur Zheji, Berisha bëri një deklaratë të fortë teksa tha se pas planit për të eleminuar kreun e opozitës fshihet kryeministri Rama.
Berisha tha se mënyra sesi qeveria veproi me ta nënkuptonte se ata ishin futur nga qeveria, te diktuar prej saj, por Rama u zbulua.
Pjesë nga intervista:
Zheji: Në konceptin amerikan i informuar edhe nga shërbimet inteligjente, flitej dhe flitet për një skenar rus që kishte si qëllim destabilizimin e Shqipërisë. Flitet se ka pasur një arrestim misterioz të dy agjentëve rusë me qëllim për të eliminuar zotin Basha.
Berisha: Nuk kam asnjë të dhënë që dy persona… Në qoftë se dy persona vijnë për të vrarë liderin e opozitës dhe shpallen non grata, ata i ka futur qeveria, ata janë vrasës të paguar te qeverise, diktuar nga qeveria. Në qoftë se është e vërtetë se shërbimet amerikane i kane bllokuar, është Edi Rama para tyre, ka dashur te vrase liderin e opozitës, dhe në këtë rast është zbuluar dhe nuk i nxirrte dot në gjyq. Si mund të përzihen dy njerëz që tentuan të vrasin ligjin e opozitës. Sapo e dëgjova këtë, thashë me mendjen time, në qoftë se është e vërtetë, ata janë vrasës me pagesë të qeverisë. Si ka mundësi që kryeministri të shpallë nongrata dy kriminelë që vijnë për të vrarë liderin e opozitës, kundërshtarin politik.
Zheji: Meqë këta u bllokuan nga shërbimet amerikane dhe kjo krijonte tension të madh, ishin amerikanët që e arrestuan e komanduan ata procesin.
Berisha: Ata nuk mund të merrnin përsipër të përjashtonin nga drejtësia dy njerëz që kanë ardhur për të vrarë. Pastaj ata mund të kërkonin shërbime. Ata i zbulojnë për t’i kapur i kap policia. Shërbimi informativ është i detyruar t’ia çojë policisë dhe nëse i arreston duhet t’ia çonte drejtësisë. Ajo çka di unë për zotin Basha është tjetër dhe jo kjo.
