Aokigahara, një pyll rrëzë malit Fuxhijama në Japoni, klasifikohet si një ndër vendet më të frikshme në planet. Çdo vit aty shkojnë për t’u vetëvrarë qindra njerëz. Vetëm në vitin 2003, u gjetën 105 trupa të pajetë. Shumë njerëz, pretendojnë se në pyll ndodhin fenomene paranormale, dhe e lidhin këtë me një traditë të errët japoneze:ubasute.
Dikur, shumë familje që gjendeshin në vështirësi ekonomike, vinin dhe i braktisnin këtu të fërmit e tyre të moshuar, kryesisht ata që nuk shihnin apo ecnin, dhe që cilësoheshin si një “barrë” për familjen.
Pa asnjë lloj kujdesi, i moshuari do të vdiste brenda disa ditësh nga uria, dehidratimi apo hipotermia. Por disa shkencëtarë mendojnë se ‘veprimtaritë paranormale’ në pyll, e ka një shpjegim më logjik. Për shkak të përmbajtjes së lartë të hekurit të laves, që ndodhet nën sipërfaqen e malit vullaknik Fuxhijama, busullat ç’orientohen.
Por mijëra vizitorët e përvitshëm, pretendojnë se kanë dëgjuar zëra, apo se kanë parë njerëz të çuditshëm, që befas zhduken. Një raport i qeverisë, pretendon se vetëm gjatë viteve 2013- 2015, më shumë se 100 vizitorë ishin gjetur të vdekur në pyll. Për të dekurajuar vetëvrasjet, autoritetet kanë ndaluar publikimin e të dhënave vjetore të viktimave.
