Këngëtarja e njohur Adelina Ismajli ka dhënë lajmin e shumëpritur për të gjithë fansat, që janë rritur me këngët e saj. Ajo ka sqaruar një deklaratë të mëparshme, teksa ka thënë se distancimi i saj nga muzika nuk nënkupton largim nga skena.
Këngëtarja u ngjit mbrëmë në skenë në natën e dytë të Festivalit të këngës në RTSH gjatë edicionit të 56-të të tij.
Teksa u pyet nga moderatori Adi Krastën, Adelina tha se distancimi i saj nga muzika nuk do të thotë një largim nga skena, por një largim nga performancat nëpër diskoteka. Largimin nga skena këngëtarja do e cilësonte si “vetëvrasje artistike”.
