Një veteran ushtarak që punonte si kasier në një supermarket ka qëlluar për vdekje një person i cili po tentonte të grabiste dyqanin e tij.
Ngjarja në fjalë është regjistruar mbrëmjen e së dielës, teksa e gjithë situata u regjistrua nga kamerat e sigurisë. Mark Kasprowicz ishte duke punuar prapa banakut në Kam’s Market rreth orës 11:00, kur dy persona të maskuar hynë brenda.
Njëri nga grabitësit shkoi në pjesën e prapme të dyqanit, duke i drejtuar pistoletën njërit prej punonjësve. Ndërsa tjetri me një armë gjysmë automatike shkoi pas banakut, duke goditur me pistoletë arkëtarin dhe filloi të nxjerrë para nga regjistri.
“Në fillim mendova se ishte shaka. Dy sekonda më vonë, kuptova se ishte e vërtetë. Ai më shtyu në tokë, në gjunjë”, tha ai.
Kur Kasprowicz u mundua të merrte një armë e cila ndodhej afër regjistrit të parave, grabitësi e goditi përsëri dhe të dy luftuan për armën.
Exclusive video at this hour on @nbcbayarea: A retired Air Force veteran shoots and kills an East Bay robbery suspect – and another gunman in the holdup is on the run. Live reports on Today In The Bay every half hour starting at 5 – streaming at https://t.co/3w0gJl7DlU pic.twitter.com/86q0o6uqVR
— Thom Jensen (@ThomNBCBayArea) December 23, 2019
Teksa po grindeshin në tokë, arma i bie nga duart grabitësit i cili ngrihet në këmbë dhe tenton të largohet me vrap. Por në atë moment Kasprowicz hapi zjarr duke e plagosur grabitësin.
“Unë vetëm shikoja përreth, dhe ai ishte duke vrapuar dhe thjesht nga instinkti, unë qëllova një herë”, tha arkëtari.
Të dy të dyshuarit arritën të dilnin nga dyqani, por grabitësi që qëlloi Kasprowicz vdiq në parkingun jashtë dyqanit, ndërsa tjetri u largua. Kasprowicz është një veteran i Forcave Ajrore i cili kishte dy dekada që punon si punonjës sigurie .
“Pasi kuptova që gjithçka ishte e vërtetë, duke pasur një armë të madhe drejtuar ndaj teje, ka vetëm një gjë për të cilën shqetësohesh: jetën tënde”, tha Kasprowicz.
Kasprowicz shkoi në spital, ku iu desh të merrte 12 qepje në kokë.
