Një familje shqiptare pritet të dëbohet, pasi nuk i është pranuar kërkesa e azilit në Belgjikë, ku kishte tetë vjet që qëndronte atje. Policia të enjten zhvendosi familje shqiptare nga Oudenaarde, në një qendër azili e cila tashmë pritet të dëbohet. Arbeni, gruaja e tij Lindita Kadrija dhe fëmijët e tyre Sara 3-vjeç, Keyda 9-vjeç dhe Kledis 11-vjeç, pritet që të dëbohen për në Shqipëri. Ata kishin aplikuar për azil deri në tre herë, dhe se gjithmonë kishin marrë përgjigje negative, shkruan Tirana Today.
Të trishtuar dhe të frikësuar
“Ata na thanë se duhej të shkonim te qendrën e tyre”, thotë Kejda nëntë vjeçare. “Ata na pyetën dhe na dhanë letra. Pastaj na çuan në këtë shtëpi. Ndihem e trishtuar dhe kam frikë “, reagoi e emocionuar vajza, shkruan nieuws.vtm.be.
Megjithatë, familja përpiqet të qëndrojë, edhe pse mund të kthehet në Shqipëri në çdo moment.
“Ne po përpiqemi të qëndrojmë këtu, por nuk dimë se çfarë të bëjmë”, thotë njëmbëdhjetë vjeçari Klejdis. “Disa miq po na ndihmojnë dhe ne shpresojmë që të mund të qëndrojmë këtu”.
Drejtoresha e shkollës ku janë nxënëse dy vajzat e vogla është shprehur: “Janë shkelur të drejtat e fëmijëve. Fëmijët kanë qenë mirë me mësime dhe kanë bërë shumë miq këtu. Lajmi ishte gjithashtu një tronditje për ta. Të drejtat e fëmijëve janë shkelur qartë në këtë rast”, thotë Katrien De Smet, drejtore i shkollës fillore për fëmijë. TIRANA TODAY
