Protesta e banorëve të ‘Astirit’ të cilëve u preken shtëpitë nga projekti i ri i ‘Unazës së Re’ ka vazhduar edhe mbrëmjen e sotme. Protesta është tensionuar sërish ku kanë qenë të pranishëm edhe deputetë të opozitës.
Forcat speciale kanë ndërhyrë në momentin kur situata gati ka dalë jashtë kontrollit dhe në vendngjarje kanë qenë prezentë deputetët e Partisë Demokratike, Flamur Noka e Klevis Balliu.
Këta të fundit janë konfrontuar verbalisht me forcat e policisë, teksa banorët kanë tentuar të hyjnë në kantierin e një firme private, por në këtë moment kanë ndërhyrë forcat speciale me skafandra e shkopinj gome, raporton Newsbomb.al.
Në videon më poshtë duket momenti kur policia vë para deputetin demokrat Flamur Noka, i cili rrëzohet përtokë nga shtyrja.
