Dy vite më parë, ish-ministri i Brendshëm Saimir Tahiri me rastin e daljes në pension i bëri një “surprizë të bukur” një efektivi të policisë rrugore që në atë kohë doli në pension.
Tahiri bashkë me Çakon i dhuruan ish-policit Xhemil Haluli motorin të cilin e kishte përdorur gjatë punës.Kjo dhuratë emocionoi shumë vetë policin i cili e përdorte motorrin për 22 vite.
Por çfarë ndodh sot, dy vite më vonë?Mësohet se policia 1 javë më parë ka kërkuar që motorri të kthehet në komisariat.Dhe nëse motomjeti nuk do të dorëzohej brenda 5 ditësh, atëherë vlera që ish-polic Xhemili duhet të paguante është 1 milionë e 739 mijë lekë të vjetra.
Si duket ky motomjet i është dhënë ish-policit në kundërshtim me ligjin dhe pa asnjë dokument përkatës.
