Moti i keq ka mbërthyer Greqinë dhe si pasojë ka shkaktuar përmbytje të shumta. Mediat greke raportojnë se në Mandra është shënuar një ngjarje e rëndë, pasi një grua e moshuar humbi jetën nga stuhia e fuqishme që goditi mëngjesi e sotëm Greqinë.
Sipas të dhënave te pare, 7 persona kanë ndërruar jetë si pasojë e motit të keq. Pasoja të rënda raportohen nga Mandra, Attica, Nea Peramos dhe në rajonin më të gjerë të Megarës nga shiu i rrëmbyeshëm.
Ujërat e nxituara që zbresin nga mali kanë prerë rrugë, prishën shtëpi, zvarriten makina dhe për pasoja ka shtëpi dhe dyqane te përmbytura, ndërsa ujërat kanë arritur një lartësi te madhe.
Ekipet e shpëtimit po bëjnë përpjekje të mëdha për të evakuuar njerëzit e bllokuar në shtëpitë e tyre.
