Kobe Bryant u nda nga jeta ditën e sotme në moshën 41-vjeçare si pasojë e një aksidenti tragjik me helikopter.
Por fatkeqësisht bashkë me të ka humbur jetën edhe vajza e tij e dytë, Gianna Maria, 13-vjeçe dhe 3 persona të tjerë, identiteti i të cilëve nuk dihet ende. Mësohet se Bryant bashkë me vajzën e tij po shkonin në një stërvitje basketbolli, kur helikopteri u rrëzua duke marrë flakë.
Kobe Bryant hoqi dorë nga Basketbolli në vitin 2016. Loja e tij e fundit ishte kundër Utah Jazz. Të gjithë prisnin nga Kobe që të kishte një paraqitje të mirë, pasi për moshën që kishte nuk priteshin shumë pikë. Por Bryant arriti të surprizonte të gjithë edhe një herë të fundit.
Ai shënoi 60 pikë për ekipin e tij Lakers, klub në të cilin luajti gjatë gjithë karrierës si profesionist. Më poshtë janë momentet më të mira nga ndeshja e tij e fundit zyrtare.
https://www.youtube.com/watch?time_continue=493&v=leFVCYaTDvE&feature=emb_title
