Shkencëtari i armëve bërthamore në Iran, Mohsen Fakhrizadeh, u ekzekutua me një mitraloz të komanduar nga një satelit me “inteligjencë artificiale”. Ai u qëllua për vdekje në 27 nëntor, teksa ndodhej në një autokolonë jashtë Teheranit.
Ndërkohë, është ndërtuar edhe skema në 3D e vrasjes së arkitektit të bombës bërthamore. Ai ekzekutohet në momentin që autokolona futet në rrethrrotullim.
Goditja, Mohsen Fakhrizadeh i vjen nga një mitraloz që ishte montuar në një kamion në krah të rrethrrotullimit.
Irani ka akuzuar Izraelin dhe Shtetet e Bashkuara se qëndrojnë prapa vrasjes. Pavarësisht se inteligjenca perëndimore thotë se shkencëtari iranian ishte i përfshirë në programin bërthamor, Irani e mohon këtë fakt, dhe po ashtu mohon se ka pasur përpjekje për të përdorur uraniumin e pasuruar për energji bërthamore.
Por, gjerësisht besohet se ai ka drejtuar atë që organizata e Kombeve të Bashkuara për mbikëqyrje bërthamore dhe shërbimet e inteligjencës amerikane besojnë se ishte një program i koordinuar i armëve bërthamore që u ndërpre më 2003.
