Pedagogu i Elbasanit, Denis Himçi, i cili u vu në pranga disa muaj më parë pasi u denoncua nëpërmjet një video-përgjimi, do të hetohet në gjendje të lirë. Gjykata e Apelit të Krimeve të Rënda ka ndryshuar masën e sigurisë ndaj ish-pedagogut, duke i hequr edhe ‘arrestin në shtëpi’.
Himçi u shfaq në videon e transmetuar nga “Stop”, duke i premtuar një studenteje që kishte ngelur në disa provime, se do t’a ndihmonte të kalonte. Por i kërkonte favore seksuale në këmbim të ndihmës.
Ai i kërkoi favore seksuale një studenteje në Elbasan në këmbim të notave. Rasti u denoncua me anë të një videoje në media, të cilën e kishte xhiruar vetë studentja, ndërsa Denis Himçi u arrestua fill pas denoncimit.
Kujtojmë se pas arrestimit, ai përfundoi me urgjencë në QSUT.
Video-skandali me pedagogun/ Denis Himçi shtrohet me urgjencë në spital
Himçi pësoi atak kardiak, dhe menjëherë u shtrua në ambientet e urgjencës në spital.
Pedagogu Denis Himçi u përjashtua edhe nga detyra e tij, si pjesë e trupës pedagogjike në Elbasan. Ai u filmua teksa i kërkonte favore seksuale një studenteje, të cilës i premtoi se do të arrinte të merrte 27 provime të mbartura brenda një jave.
