Situata mes Serbisë dhe Kosovës mbetet e tensionuar, sidomos pas vendosjes së taksës nga kjo e fundit për produktet serbe.
Presidenti i Kosovës, Hashim Thaçi është takuar së fundmi në Bruksel me homologun e tij serb, Aleksandër Vuçiç. Pas këtij takimi, presidenti serb ka dhënë një intervistë për një televizion serb.
Duket se disa shqiptarë që qëndronin në një nga ndërtesat aty pranë, kanë bërtitur, duke sikletosur Vuçiçin, ndërsa nuk është e qartë se çfarë kanë thënë. Sipas televizionit serb, shqiptarët sulmuan verbalisht presidentin serb. Ky i fundit ka reaguar ashpër, teksa ka bërë një koment gjatë transmetimit:
“Këta shqiptarë duan të bërtasin kaq shumë! Askush nuk i ka mësuar se si të sillet në një mënyrë të denjë për të mos i penguar fqinjët? Nuk ka rëndësi, do të mësohen me kohë”.
