Ish-deputeti demokrat, Ervin Salianji ka thumbuar kryeministrin Rama në lidhje me koncesionet që kushtojnë miliona euro.
Përmes një videoje të postuar në Facebook, Salianji rendit koncesionet dhe vlerat e tyre monetare, teksa i drejtohet në mënyrë indirekte kreut të qeverisë se këto miliona mund t’i përdorë për t’i ardhur në ndihmë shqiptarëve.
Prej ditësh tashmë, Partia Demokratike i bën thirrje Ramës që të heqë milionat e “oligarkëve” dhe t’i përdorë në ndihmë të qytetarëve.
Postimi i plotë:
Kur ti nuk i kërkon llogari për:
Inceneratorin e Tiranës – 310 milionë USD
Inceneratorin e Fierit – 40 milionë USD
Inceneratorin e Elbasanit – 52 milionë USD
Check Up – 90 milionë USD
Sterilizimin – 160 milionë USD
Shërbimin Laboratorik – 90 milionë USD
Rrugën Milot-Balldren – 300 milionë USD
Rrugën Orikum-Dukat – 75 milionë USD
Traun te Rruga e Kombit – 470 milionë USD
Tenderin e Unazës së Re – 20 milionë euro/km
Përfundon që të kërkon ai llogari ty, se ku i gjete lekët e internetit.
