(Video) Rrëfehet Blendi Fevziu: Dy shërbime të huaja më kërkuan ndihmë…

Gazetari dhe moderatori Blendi Fevziu ka deklaruar sot në një intervistë për Çlirim Pekën, se situata me krimin në Shqipëri është serioze në maksimum dhe po shqetëson seriozisht partnerët e vendit tonë.
Fevziu ka zbuluar se të paktën dy shërbime partnere të Shqipërisë i kanë kërkuar atij si drejtues i emisionit “Opinion”, apo medias ku ai punon, që të publikojë të dhënat se paratë e krimit në Hollandë po investohen në Shqipëri dhe se krimi shqiptar në Hollandë ka mbështetje nga njerëz me pushtet në Tiranë.
Po kështu, ai ka deklaruar se shërbimet italiane kanë komunikuar me median në fjalë para një viti për të zbuluar se nga paratë e kanabisit në Shqipëri mbeten 200 milionë euro.