Disavantazhi me Romën ka nervozuar jo pak mbrëmë Cristano Ronaldon, i cili nuk i ka mbajtur nervat përballë kapitenit roman, Alessandro Florenzi.
Në një moment, CR7 madje është tallur me Florenzin, duke i thënë se është shumë i vogël për të folur, gjë që kuptohet edhe një gjesti i Ronaldos kapur në video.
Pas ndërhyrjes së arbitrit dy futbollistët u sqaruan, por vetëm për momentin. Pas ndeshjes Florenzi, i cili shënoi edhe golin e epërsisë për Romën nuk harroi të sulmonte sërish portugezin.
“Ai është Topi i Artë dhe mendon se ka të drejtën të bëjë çfarë të dojë”, është shprehur futbollisti roman. Zonja e Vjetër humbi me rezultatin 2-0 përballë Romës.
