Kryeministri Edi Rama ka publikuar në Facebook një video, me anë të së cilës ka kujtuar eksodin e shqiptarëve 30 vite më parë.
Kreu i qeverisë ka publikuar pamje nga dyndja e shqiptarëve në ambasada dhe qytetarët teksa tentojnë të kapin litarët e anijeve të shpresës për të kapërcyer detin, drejt Italisë.
Rama thekson se 30 vite më parë ishte një kohë për të kuptuar çmimin e lirisë së popullit, që u përball me diktaturën dhe luftoi për liri.
“MIRËMËNGJES ? 30 vjet nga eksodi historik i shqiptarëve, një kohë për të kuptuar çmimin e lirisë dhe dëshirën e zjarrtë të shpirtit shqiptar që u përball me diktaturën dhe luftoi për lirinë”, shkruan Rama në postimin e tij.
