Video/ Rama ‘arratiset’ nga Shqipëria, ja ku ndodhet

Një natë më parë mes debatesh në sallën e Kuvendit, dhe protestash jashtë sajë, qeveria ka miratuar projekt-ligjin për shembjen e Teatrit. Ndërsa opozita bllokoi foltoren dhe qëlloi me kartonë në drejtim të Ramës, qeveria nuk është tërhequr. Por, sot ku vendi vlon nga ky vendim i cili sipas artistëve, shoqërisë civile dhe opozitës të të shkatërrojë një vlerë të rëndësishme kombëtare sikundër është Teatri, kryeministri ka zgjedhur që të ikë larg kësaj zhurme.
Edi Rama ka udhëtuar drejt Sofies së Bullgarisë, ku është takuar me homologun e tij kinez, Li Keqiang. Rama ndodhet në Sofje ku do të zhvillohet samiti, në kuadër të nismës së qeverisë kineze të bashkëpunimit me Europën Qendrore dhe Lindore, e njohur si Nisma 16+1.
Mësohet se fokusi i takimit ishte programi i bashkëpunimit mes dy vendeve dhe projektet konkrete në bujqësi, turizëm, infrastrukturë ujore e portuale dhe kulturë.
“Me kryeministrin Li Keqiang në takimin bilateral në kuadrin e Nismës 16+1, ku diskutuam për programin e bashkëpunimit dhe projektet konkrete në bujqësi, turizëm, infrastrukturë ujore e portuale dhe kulturë”, shkroi Rama në “Facebook”.