Flet nga spitali një nga protestuesit e lënduar mbrëmë në protestën e opozitës së bashkuar. 29-vjeçari, Ened Bostani nga Fieri u plagos në këmbën e majtë e më pas ra pa ndjenja në tokë, ndërsa nuk di kë të fajësojë për atë që i ka ndodhur.
“Isha duke filmuar protestuesit me telefon te hyrja e Parlamentit. Isha me kurriz nga policia dhe aty rashë në tokë, nuk pashë më gjë”,- thotë ai nga shtrati i spitalit.
Ndërsa tregon se ka marrë ndihmën e parë në spital, i riu vijon rrëfimin: “Në këmbë kam marrë pjesë metalike që m’i fshehën në spital”.
Por pavarësisht kësaj që i ka ndodhur, ai thotë se do marrë sërish pjesë në protestat e opozitës. “Edhe sikur me paterica të jem, prapë në protestë do shkoj. Kam qenë emigrant dhe jam kthyer, tashmë jam emigrant në shtetin tim”, shprehet i riu për BalkanWeb.
