Rreth 153 shtëpi në zonën e Shkozës do të shemben për rehabilitimin e lumit Lana. Këto shtëpi janë ato që prek vetëm pjesa e parë e projektit. Banorët e këtyre shtëpive kanë dalë sot në protestë.
Pas disa orësh proteste, policia ka ndërhyrë me forcë për të shpërndarë protestuesit. Punonjësit e policisë kanë shoqëruar dhe një grua. Në video shihet djali i mitur i gruas që u lutet policëve të lirojnë nënën e tij.
Banorët gjatë ditës së sotme kanë kërkuar prezencën e kryebashkiakut Erjon Veliaj, deputetes së zonës, Elona Gjebrea dhe Saimir Tahirin si kryetar i Partisë Socialiste për Tiranën, te cilët sipas tyre i kanë premtuar para zgjedhjeve dëmshpërblim të plotë me një VKM të posaçme.
Banorët janë shprehur: “Nuk kemi ku të shkojmë do mbajmë të bllokuar urën. Shtëpitë disa janë të ndërtuara që në 1985 disa në proces legalizimi. Banorët na mashtruan me premtime e tani sjellin 100 policë për të na flakur në rrugë”, – janë shprehur disa prej tyre të revoltuar.
