Presidenti Joe Biden i la njerëzit në mëdyshje të enjten, kur u duk se kthehej për t’i dhënë dorën dikujt – pavarësisht se askush nuk ishte në skenë pranë tij. Joe Biden, 79-vjeç, kishte përfunduar një fjalim mbi krizën e zinxhirit të furnizimit të vendit kur ndodhi gafa. Këto ishin disa sekonda të sikletshme për të.
Presidenti përfundoi fjalimin me “Zoti ju bekoftë të gjithëve”, përpara se të kthehej në të djathtë dhe të jepte dorën. Biden shtriu dorën dhe u duk se po shkonte për një shtrëngim duarsh. Mund të ishte e mundur që ai të mos e dinte se ishte vetëm në podium.
Më pas ai pa përreth skenës, ndërsa muzika luhej në sfond. Senatori i Teksasit, Ted Cruz, 51 vjeç, ndau një video të fjalimit në Twitter, me mbishkrimin me emoji-t me sy të dyfishtë.
Të tjerë shfrytëzuan rastin për të vënë në dyshim edhe një herë gjendjen mendore të presidentit. “Ku janë kujdestarët e Shtëpisë së Bardhë dhe familjes Biden, detyra e të cilëve është ta bëjnë atë të duket mirë?”, shkroi ish-zëvendëskryetarja e Partisë Republikane të Kalifornisë, Harmeet K Dhillon. “Kjo është me të vërtetë e çuditshme, përveç nëse duan që ai të duket si një pacient me çmenduri”, shkroi ajo.
Burimi i lajmit: THE SUN. Përshtatur nga Tirana Today
