https://www.facebook.com/tiranatodaycom/videos/367189943725749/
Një aksident i rëndë ka ndodhur mbrëmë në fshatin Bushnesh të Krujës. Si pasojë e aksidentit, ka humbur jetën një 29-vjeçar, i identifikuar si Eduart Jangozi.
Mësohet se drejtuesi i mjetit tip Audi është 35-vjeçari, Maringlen Kaci po nga fshati Bushnesh i Krujës dhe fqinj me viktimën. Ngjarja ka ndodhur pranë banesës së viktimës, ndërsa drejtuesi i mjetit është shoqëruar në policinë e Krujës.
Sipas burimeve të Tirana Today, drejtuesi ka qenë nën efektin e alkoolit dhe në momentin e aksidentit ka humbur kontrollin e mjetit duke i shkaktuar vdekjen e menjëhershme 29 vjeçarit.
