Aspak normale është ajo që po ndodh aktualisht në lagjen “Çentrale” në Vlorë, ku po digjen plehrat në mes të ditës.
Sic duket në pamjet e mbërritura në redaksinë e Tirana Today, e gjithë lagja është mbuluar nga tymi, duke ndotur ambientin, por edhe duke rrezikuar shëndetin e banorëve, sidomos të fëmijëve dhe të moshuarve.
Djegia e plehrave është një rast i shpeshtë në këtë lagje dhe jo vetëm, por duket se as Bashkia nuk e vë “ujin në zjarr” duke mos marrë masat e duhura për shmangien e kësaj situate shqetësuese për banorët e Vlorës.
