Megadueli i cili u ndoq nga miliona njerëz përfundoi me fitoren e merituar të Floyd Mayweather. Ky i fundit humbi tre raundet e para, por arriti të ndalojë irlandezin, teksa rrëmbeu fitoren në raundin e 10-të.
Gjyqtari Robert Byrd u detyrua të ndërhynte për të ndaluar sfidën kur pa se McGregor, tashmë mjaft i lodhur, e kishte të vështirë të qëndronte në këmbë.
Megjithatë, amerikani qëndroi me këmbë në tokë, teksa e vlerësoi kundërshtarin, të cilit i tha në fund të ndeshjes: “E marrtë dreqi, je një luftëtar i paparë!”
Floyd Mayweather shkon në shtëpi me 100 milionë dollarë dhe me një bilanc 50-0, duke thyer rekordin e legjendës Rocky Marciano, ndërsa McGregor merr 30 milionë dollarë.
https://youtu.be/DzQxKWjw1lY
