Një kameraman ka arritur të fiksojë pamje tepër interesante të sjelljes së bletëve të egra në Vietnam. Sipas shpjegimit të specialistëve, valëzimet që ato krijojnë janë një farë arme mbrojtëse hipnotizuese për të mbajtur larg agresorët.
Bletët e egra janë të llojit “Apis dorsata”, apo bleta gjigante e mjaltit, që gjendet kryesisht në Azinë Jugore dhe në atë Juglindore. Këto bletë zakonisht janë rreth 17-20 mm të gjata. Foletë i ndërtojnë kryesisht në vende të ekspozuara, larg tokës, si në degët e pemëve, nën mbulesat e shkëmbinjve dhe ndonjëherë në ndërtesa. Bletët gjigante aziatike janë të njohura për strategjitë e tyre të mbrojtjes por edhe agresivitetin kur janë të shqetësuara. Popujt indigjenë kanë përdorur tradicionalisht këtë specie si një burim ushqimi. Sipas një raporti të Departamentit të Blegtorisë së Vietnamit, aktualisht në vend ka rreth 1.2 milion koloni bletësh, nga të cilat 16.6 për qind bletë vendase, ndërsa 83.4 për qind bletë të huaja.
Gjatë luftës së Vietnamit, veitkong-ët i kanë përdorur bletët e egra “Apis dorsata” kundër trupave amerikane. Për hakmarrje, Pentagoni ju kundërpërgjigj veitkong-ëve, me një armë kimike të zhvilluar bazuar në kimikatet e bletëve. TIRANA TODAY
