Presidenti i Komisionit Evropian, Jean-Claude Juncker është kthyer sërish në qendër të vëmendjes, për shkak të një tjetër incidenti.
Gjatë një vizite zyrtare në Ruanda me rastin e 25-vjetorit të gjenocidit në vend ku humbën jetën 800 mijë persona, Juncker për pak sa nuk ka shkaktuar një tragjedi.
Ai merr shkopin me zjarr bashkë me personalitete të Ruandës, por në vend që ta mbajë në një drejtim, ai e kthen atë drejt Zonjës së Parë Jeannette Kegame dhe për pak i vë flakën.
Ka qenë ndërhyrja e një ndihmëseje aty pranë që e ka shpëtuar Zonjën e Parë nga një incident që mund t’i kishte kushtuar shumë.
Kjo nuk është hera e parë që Juncker është në qendër të vëmendjes për shkak të ‘bëmave’ të tij, pasi në një takim me liderët e BE-së në fund të vitit 2017 ai u shfaq i dehur.
