Kamerat kanë kapur pamje të frikshme, ku duken disa persona që tentojnë t’i shpëtojnë zjarrit që shpërtheu në një hotel në Izmir të Turqisë.
Në videot e publikuara nga Daily Mail, duket momenti ku disa persona hidhen nga dritaret e hotelit në mënyrë që të shpëtojnë jetën e tyre.
Zjarri nisi në orët e para të mëngjesit dhe u përhap me shpejtësi në gjashtë katet e ndërtesës. Sipas mediave vendase, 4 persona u dërguan në spital, njëri prej të cilëve në gjendje të rëndë. Tre klientë të hotelit u hodhën mbi makinat e parkuara në përpjekje për t’u shpëtuar flakëve, ndërsa një grua ra nga kati i 5-të teksa po përpiqej të kalonte në dhomën ngjitur.
Pronari i hotelit tha se vajza me veshje të verdhë që ra nga lartësia ishte bjelloruse, ndërsa tjetra nga Kazakistani. E reja nga Bjellorusia ka thyer të dyja këmbët, ndërsa kazakja ka thyer brinjët.
