Një aksident i frikshëm u regjistrua ditën e djeshme tek zona e Porcelanit në Tiranë, ku për pasojë mbetën të vdekur 2 kalimtarë.
Policia raportoi se viktimat ishin Erion Balla, 36 vjeç nga Rrësheni dhe H.S., 72 vjeçe, banuese në Tiranë.
Fill pas ngjarjes, u publikuan edhe pamjet e aksidentit mes dy makinave, ku duket se njëra prej tyre është me një shpejtësi tej normave.
Në video duket sesi makina e cila ishte me shpejtësi tenton të parakalojë, por makina tjetër merr kthesën për t’u futur majtas. Mjeti që po udhëtonte me shpejtësi përplaset në një shtyllë duke marrë përpara edhe 2 kalimtarë të çastit.
