“Tiranatoday.al” ka bërë publike së fundmi disa pamje të rralla, ku shfaqen në ajër objekte të çuditshme.
Siç mund ta shikoni edhe në videot e mëposhtme, objekte misterioze fluturojnë mbi rrethinat e Tiranës.
Përkatësisht, videot janë realizuar në një zonë pranë Malit të Dajtit, ndërsa pamjet na sjellin idenë e disa satelitëve të Tesla, edhe pse nuk dihet me saktësi se çfarë realisht po fluturon brenda atmosferës.
Vlen të theksohet fakti se ende nuk ka njoftime nga NASA apo agjenci të tjera lidhur me këto objekte me ngjyrë të bardhë, të cilat shihen me sy të lirë.
Rikujtojmë se pamje të tilla, janë “servirur” edhe para disa vitesh në Shqipëri, ndërkohë qytetarët me të drejtë, i cilësuan si të pazakonta!
