Teksa kanë mbetur më pak se 45 minuta nga afati i vendosur për miratimin e 8 kërkesave, ka pasur përplasje mes studentëve në protestë.
Një grup i vogël ka propozuar që të shkojnë në Kryeministri, por studentët nuk kanë pranuar. Madje ata kanë nisur të thërrasin “Turp, turp, turp. Nuk ka negociata! Ne nuk marrim urdhra”!
Pra, duket se studentët nuk e kanë vendosur ende se çfarë do të bëjnë. Kjo pasi nuk është marrë ende një vendim nëse do hyjnë në grevë urie para Ministrisë së Arsimit apo para Kryeministrisë.
Tirana Today ka filmuar momentin e përplasjes, ndërsa mbetet të presim për vendimin që studentët do të marrin në rast të përfundimit të afatit që ata i kanë vënë qeverisë deri në 16:00 për të miratuar kërkesat e tyre.
