Një gjyqtare u vra vetëm 2 javë më parë në qendër të Tiranës nga ish-bashkëshorti i saj, duke shënuar mbase një nga krimet më të rënda të këtij viti, si pasojë e dhunës brenda familjes.
Me qindra gra të tjera kanë denoncuar dhunën që përjetojnë, e shumë raste janë bërë publike nga media. Por ka edhe gra që ia dalin mbanë të mposhtin dhunën e të rifillojnë jetën e tyre nga e para, megjithëse me shumë vështirësi.
E tillë është historia e Ina Ballës, 38 vjeçares që vjen këtë javë si personazh i rubrikës “Njerëz” në Tirana Today.
Një grua që jo vetëm arriti t’i japë fund dhunës, por edhe fitoi betejën e saj kundër një armiku më të madh, kancerin e gjirit. Një sëmundje që thuajse i mori asaj jetën pasi fiziku i saj nuk përballonte dot kimio-terapinë.
Por jo vetëm kaq. Gjendja e saj e vështirë ekonomike e bënte të pamundur që të siguronte mjekimet e duhura.
Mes këtyre vështirësive të panumërta dhe falë ndihmës së njerëzve dhe “Fundjavë Ndryshe”, Ina ia doli të rikuperohet dhe të kujdeset për veten. Në këtë rrëfim për “Njerëz” Ina Balla tregon sakrificat e një nëne të vetme për t’i siguruar jetesën e dy vajzave të saj, dhe betejën e saj të radhës me varfërinë.
Një histori frymëzuese e një gruaje jashtëzakonisht të fortë që nuk dorëzohet para sfidave të mëdha të jetës. Një gruaje që arriti të mposhtë dhunën, kancerin por ka ende një betejë përpara; t’i sigurojë vajzave të saj një strehë.
https://www.facebook.com/tiranatodaycom/videos/347697855674958/
