Pas blofit me “Babalen” dhe dështimit të protestës, Lulzim Basha është në siklet të madh. Ai ka thurur komplotin e përndjekjes dhe përgjimit familjar nga policia.
Ideja është të krijohet perceptimi se Rama, ortaku i 17 Majit, ka ngritur një shtet policor. Plasja e këtij “skandali”, përkon me zërat për publikimin e disa përgjimeve të nxehta.
LEXO EDHE:
PD: Fatmir Xhafaj dhe Edi Rama përgjojnë Lulzim Bashën
S’dihet me saktësi se çfarë sëkëlldie ka në këtë mes kreu demokrat. Rihapja e ndonjë dosjeje të vjetër, apo ndonjë pune të pisët e kohëve të fundit? Zhvendosja e fokusit nga i vëllait i Fatmir Xhafajt që drejtonte trafikun e drogës, tek ish-hetuesi i diktaturës që përgjon liderin e opozitës, është dëshmi e pranimit të blofit.
Në Shqipëri, politikanët dhe jo vetëm, janë përgjuar në mënyrë të ligjshme ose jo. Kjo është vërtetuar nga prania e disa përgjuesve privatë në vend vitet e fundit. Mjerisht, përgjimet palët po i përdorin ende për shantazh, dhe jo për të bërë drejtësi. Nëse hapet loja, mund të kemi ndoshta një spastrim të politikës nga krimi dhe korrupsioni.
TIRANA TODAY
