Policia Italiane kishte ngritur një postbllok në periferi të Padovës, dhe në pranga ka vënë 37-vjeçarin shqiptar Gazmend Bica, i cili po udhëtonte me motorcikletë, kur ndeshi në postbllokun në fjalë.
Në vend që të ndalonte, ai u kthye mbrapsht dhe shtoi shpejtësinë. Pas një ndjekje prej disa kilometrash karabinierët e kapën Gazmendin.
Pasi u kryen verifikimet e rastit rezultoi se Gazmendi në 8 gusht 2013 ishte dënuar me vendim të formës së prerë me thuajse 12 vjet burg dhe 10 000 euro gjobë për trafik lëndësh narkotike.
