Kancelarja gjermane ka shqetësuar shumë njerëz, pas incidentit gjatë takimit me presidentin e Ukrainës, ku e kapën të dridhurat.
Por, një incident i tillë është përsëritur sërish me kancelaren, vetëm 9 ditë pas atij të parit. Ajo është dridhur sërish gjatë një ceremonie në Berlin të enjten, ku presidenti Frank Ëalter Steinmeier po prezantonte ministrin e ri të drejtësisë, Christine Lambrecht.
Siç duket në video, Merkel ka kryqëzuar duart teksa i dridhej trupi, por pas dy minutash ajo dukej më e qëndrueshme. Madje, asaj i ofrojnë një gotë me ujë, por kancelarja nuk e piu atë.
Në incidentin e mëparshëm Merkel fajësoi dehidratimin për një gjendje të tillë. Megjithatë, zëdhënësi i kancelares është shprehur se Merkel do të udhëtojë në Japoni dhe se gjendja e saj shëndetësore është e mirë.
Sipas komentuesve në YouTube, këto janë shenjat e Parkinsonit, megjithatë nuk dihet ende nëse Merkel vuan nga një sëmundje e tillë.
