E ndërsa vijon seanca gjyqësore për 23 të ndaluarit të cilët protestuan të ‘Rruga e Kombit’, ku dogjën dhe shkatërruan sportelin në të cilin bëhej pagesa e taksës, Rama në “Facebook”, ka shpërndarë një video live ku është dukë folur Ministri Ahmetaj në Komisionin e Ekonomisë dhe Financave.
“ERTV Live
?:Komisioni i Ekonomisë dhe Financave, kërkon nga Ministri Ahmetaj shpjegime për skemën që do të aplikohet sipas kontratës, për përdoruesit e shpeshtë të Rrugës së Kombit, banorët e zonës së Kukësit, të cilët do të kenë trajtim të ndryshëm nga udhëtarët e tjerë’, shkruan Rama në “Facebook”.
Ministri i Financave, Arben Ahmetaj është thirrur në komisionin parlamentar të Ekonomisë për të dhënë shpjegime për skemën që do të aplikohet për përdoruesit e shpeshtë të rrugës së Kombit dhe banorëve të zonës së Kukësit.
“E gjithë përqasja që ka opozita sot është politike, destabilizuese dhe s’ka të bëjë fare me qytetatrët që në të drejtën e tyre mund të ankohen për tarifën e përdorimit të rrugës”, tha Ahmetaj.
Ai vijoi më tej se tarifa e vendosur nga qeveria Rama është më e ulët se ajo e qeverisë Berisha. “Nëse skenari i IFC parashikonte tarifë mes 5.3 dhe 5.9 euro pa TVSH për një makinë, marrëveshja e arritur nga qeveria jonë mundësoi një tarifë 5 euro me TVSH. Këtu më duhet të bëj një dallim thelbësor mes qeverisë Berisha”, vijon Ahmetaj.
vijon…
