Në Brazil shumë njerëz civilë lëvizin të armatosur sepse grabitjet me armë në mes të ditës janë kthyer në një problem serioz prej vitesh. Grabitjet shpesh shoqërohen dhe me dhunë fizike ndaj viktimave përveç kërcënimeve me armë.
Por një grabitës i ka bërë keq llogaritë kur vendosi të grabisë pranë një shkolle private në San Paulo. Kamerat e sigurisë para një shkollës filmuan momentin kur një djalë i ri, i armatosur me pistoletë e i pamaskuar, ka shkuar të grabisë mamatë që ndodheshin aty për të pritur fëmijët e tyre.
Autori Elivelton Neves Moreira, 21 vjeç ka tentuar të grabisë dy gra por njëra prej tyre ishte efektive policie, e cila po ashtu si gratë e tjera kishte shkuar për të marrë vajzën e saj.
Kur grabitësi u përqendrua vetëm tek një grua, efektivja Katia da Silva Sastre, 42 vjeçe, ka nxjerrë armën dhe qëlloi ndaj tij.
Raportohet se 21-vjeçari ka ndërruar jetë në spital, ndërsa oficerja e policisë u dekorua si heroinë nga guvernatori i Sao Paolos, Márcio França këtë të diel.
