Familja Muça në Fier ka parë tmerr me sy gjatë natës, teksa 4 persona me armë e maska kanë tentuar t’i thyejnë drynin e t’i hapin derën.
Tentativë grabitjeje që përfundoi në luftë të vërtetë me policinë, e që gjatë shkëmbimit të zjarrit, një nga grabitësit mbeti i vdekur, një tjetër u plagos, ndërkohë që dy të tjerë u arratisën.
Gruaja e shtepise Elsa Muça tregon për “News 24” momentet e tmerrit, kur në orët e para të mëngjesit dëgjuam zhurma të pazakonta në derë.
“Dëgjuam zhurma, u frikësuam shumë. Autorët tentuan të hapin derën”- tregon ajo, duke shtuar më pas se burri i saj telefonoi policinë i alarmuar.
“Nuk arritën të hapnin dot derën se njoftuam policinë dhe erdhi policia”- ka thënë ajo.
