Deputeti demokrat Agron Shehaj, së bashku me deputeten Nada Meçorapaj, kanë qënë të pranishëm në Jalë, sikundër e bënë me dije edhe më herët përmes një postimi në rrjetet sociale.
https://tiranatoday.com/perplasja-me-ikmt-ne-deputetja-trondit-me-faktet/
Ata garantuan se do të ishin në mbështetje të banorëve, të cilët kundërshtojnë shembjen e objekteve nga ana e Inspektoratit Kombëtar i Mbrojtjes së Territorit. Sikundër u pasqyrua dhe në media, banorët u përplasën me policinë, ndërsa nuk lironin ambientet.
Madje, përpos sherrit me uniformat blu, banorët lëshuan një lumë me akuza drejt kryeministrit Rama, se ai po mbronte miqtë e tij, e ndërsa popullin e ka lënë në mëshirë të fatit.
Sikundër shihen qartë edhe nga pamjet, nuk kanë munguar përplasjet, ndërsa në një moment, kryeinspektori i IKMT-së në Vlorë, Fatmir Meta, ka kërcënuar deputetin demokrat Agron Shehaj.
“Mbaje mend këtë fytyrë mirë. Nga Vlora jam unë”, i drejtohet kryeinspektori-deputetit.
Krahas kërcënimit, kryeinspektori i IKMT-së ka shkelur gjithashtu detyrën, sepse nuk mund të pengojë deputetin apo ti kërkojë atij llogari, pasi pengon punën e tij kushtetuese.
