Zv.ministrja e Brendshme, Romina Kuko, ka reaguar pas aludimeve të ditëve të fundit, se kanë një video intime mes saj dhe ambasadorit të BE-së në Tiranë, Luigi Soreca.
Ajo thotë se ndjehet e neveritur nga këto aludime, ku kanë përgojuar emrin e saj, për shkak të ‘luftës’ me ambasadorët. Këtu i referohet edhe shpërthimit të ditëve të fundit të presidentit Meta, ndaj ambasadorëve.
“Jam e befasuar nga disa media që përgojojnë me një lehtësi të neveritshme emrin tim, për hesap të luftës qorre me ambasadorët!Aludimet mbi foto takimesh publike, ku kam pasur nderin të përfaqësoj qeverinë në krah të Ambasadorit Soreca, janë një paturpësi pa limit që të le pa fjalë!”.
