Një incident ka ndodhur mbrëmjen e sotme, teksa një qytetar i indinjuar ka tërhequr vëmendjen e kryeministrit, teksa kërkonte zgjidhje për hallin e tij.
Ngjarja ka ndodhur në qytetin e Fierit, ku Rama së bashku me Subashin kanë inspektuar punimet në terren për zgjerimin e lumit Gjanica dhe shëtitoren.
Teksa shëtiste në mbrëmje, një prej banorëve ka bërtitur: “A keni Perëndi, a s’keni,” dhe më pas kryeministri i bën shenjë të afrohet.
Banori flet nga afër për disa minuta me kryeministrin, ndërsa i pyetur nga gazetarët se për çfarë bisedoi me kryeministrin, Nexhip Këmbora tha se i është ankuar pasi duan t’i prishin shtëpinë që e ka pranë Gjanicës, për të cilën thotë se Hipoteka i ka zhdukur dokumentet.
“Kryeministri më tha ke dokumente mirë, s’ke do ta prish tha, ça tha. Ke vërtetim pronësie, asgjë tjetër. Kjo ishte përgjigjja e tij. Unë kam një ndërtim poshtë tek lumit Gjanica, me leje por Hipoteka ka bërë pisllëqe, i ka heq dokumentet dhe më nxjerrin pa leje fare. Mirë që më priti njëherë se i kam dërguar 100 telegrame e s’më ka kthyer përgjigje”, tha banori.
