Katedralja e Nantës në Francë është përfshirë nga flakët në orët e para të mëngjesit të sotëm.
Sipas mediave franceze, zjarrfikësit vijojnë ende punën në Katedrale dhe po përpiqen të gjejnë shkakun e flakëve. Zjarri në katedrale është vënë re nga punonjësja e një furre buke aty pranë. Pasi ajo ka parë shtëllungat e tymit që dilnin nga pjesa ballore e Katedrales, e reja ka lajmëruar menjëherë autoritetet përkatëse.
https://twitter.com/PompiersFR/status/1284380859727065089
Kjo nuk është hera e parë që katedralja në fjalë përfshihet nga flakët. Ajo u shkatërrua pjesërisht gjatë Luftës së Dytë Botërore në 1944, ndërsa në 1972, një zjarr shkatërroi çatinë e saj. Ajo u rindërtua 13 vjet më vonë.
