Dy persona të shpallur në kërkim ndërkombëtar janë arrestuar në kuadër të operacionit “Vjeshtë 2017”.
Dy shtetasit, të cilët ishin shpallur në kërkim nga drejtësia italiane për veprat penale “Vrasje” dhe “Trafikim i narkotikëve”, u ndaluan nga Specialistët e Sektorit të Krimeve të Rënda dhe Krimit të Organizuar.
Konkretisht, në pranga kanë rënë shtetasit:
- Gëzim Aleksi 41 vjeç, banues në Shijak;.
- Dashamir Hersi 48 vjeç, banues në Durrës.
Në ngarkim të shtetasit Gëzim Aleksi Gjykata e Brescia-s , Itali ka lëshuar urdhër arrestin Nr. 664/98R.G.P.M.466/98 datë 16.06.1998 për veprën penale “Vrasja”parashikuar nga legjislacioni Italian.
Në ngarkim të shtetasit Dashamir Hersi, Gjykata e Peskarës / Itali ka lëshuar urdhër arrestin Nr. 15/99 RGNR/PD- 14/00 GR GIP/ D-7/00 REG, Dt 09.06.2000 për kryerjen e veprës penale “Trafikimit të lëndëve narkotike” parashikuar në nenin 110 të Kodit Penal Italian.
Shtetasit e mësipërm ishin shpallur në kërkim nga Zyra Qendrore Kombëtare Interpol Tiranë më datë 12.10 2017, shtetasi G.Aleksi dhe 17.10.2017 shtetasi D.Hersi.
Materialet i kaluan Prokurorisë së Rrethit Gjyqësor Durrës për veprime të mëtejshme.
