Një tentativë për një grabitje në një farmaci, ka bërë që një 30 vjeçare të përfundojë në prangat e policisë. Rasti në fjalë është shënuar një natë më parë në Kosovë, në qytetin e Prizrenit. Por asgjë nuk ka shkuar ashtu siç ka menduar 30-vjeçarja.
E reja, identiteti i së cilës nuk bëhet me dije, është kapur nga qytetarët që ndodheshin rreth farmacisë, dhe u mbajt deri në momentin që erdhi policia.
Në videon e publikuar nga IndeksOnline, shihet edhe momenti kur vajza futet në automjetin e policisë. Pavarësisht qëllimit për të vjedhur xhiron ditore, vajza kishte në duar një pistoletë lodër.
