Njerëzit, janë të rrezikshëm për qeniet e gjalla në Tokë. Po ashtu, edhe disa kafshë janë të rrezikshme për njerëzit. Kafshë të tilla, përdorin metoda të ndryshme për të vrarë ose paralizuar një qenie njerëzore. Disa nga metodat janë forca, kafshimi dhe helmi.
Ashtu si në tokë, edhe në det ekzistojnë mijëra specie me taktika të rrezikshme vrasëse. Krijesat e detit janë më të fuqishme, dhe më të rrezikshme se sa ato tokësore. Meqë origjina e jetës në Tokë vjen nga uji, këto kafshë kanë disa tipare evolucionare që janë të fuqishme dhe vdekjeprurëse. Pra, cilat janë kafshët detare më vdekjeprurëse në botë?
10. Barrakuda
Barakudat, është një peshk grabitqar tejet i shkathët. Ato përdorin dhëmbët e mprehtë për të vrarë prenë e tyre, dhe për t’i shkaktuar njerëzve lëndime serioze. Barrakudat e mëdha, që ndeshen në ujërat e Atlantikut, Karaibeve dhe Paqësorit janë të guximshme, të frikshme dhe kureshtare. Ato tërhiqen nga objektet që shkëlqejnë, ndaj shmangni mbajtjen e objekteve të tilla kur laheni në det. Barrakudat janë peshq të mëdhenj, që arrijnë një gjatësi deri në 3 metra.
9. Peshku shirit
Ky lloj peshku, i ka skajet e shpinës të dhëmbëzuara, që i përdor si një armë, pasi aty prodhon helm që mund të jetë fatal për njerëzit. Zakonisht nuk është agresiv, por i sulmon njerëzit kur provokohet, dhe lëndimi i shkaktuar prej tyre është shumë i dhimbshëm.
Kontakti me këtë lloj peshku shkakton trauma lokale, dhe ngërç të muskujve. Jeton në detra të cekët dhe ujëra tropikalë. Shumicën e kohës qëndron i shtrirë në gjumë, pjesërisht i zhytur nën rërë, dhe një kontakt i paqëllimshëm me të mund të jetë fatal.
8. Gjarpërinjtë e detit
Në përgjithësi gjarpërinjtë janë të rrezikshëm, por ata të detit janë edhe më të rrezikshëm, pasi rrugët tona të shpëtimit janë të kufizuara. Gjarpërinjtë e detit, kanë evoluar nga gjarpërinjtë e tokës. Ata e kanë gojën më të vogël, por tejet helmuese. Gjarpri i detit i Belshers, ngjyrë ulliri është më vdekjeprurësi, dhe ndaj tij duhet pasur kujdesi më i madh.
Simptoma kryesore e pickimit prej tij është paraliza. Mendohet se ekzistojnë 62 lloje të gjarpërinjve të detit. Gjarpri më i madh në botë Anakonda, jeton në lumin Amazon të Afrikës. Në një rast, komandove britanike, iu deshën plot 37 ditë për ta vrarë.
7. Peshku gjilpërë nga Indonezia
Ky peshk, nuk është helmues, por gjithsesi mbetet shumë i rrezikshëm për shkak të karakteristikave të tij. Shpejtësia e lëvizjes së tij është 37 milje në orë, dhe ka nofulla të mprehta e të zgjatura. Peshku gjilpërë, mund të kërcejë dhe sulmojë mbi ujë. Dritat artificiale, i nxisin këta lloj peshqish gjatë natës, që përpiqen të sulmojnë burimin.
6. Kërmilli i Tekstilit
I armatosur me hala mikroskopike, për të injektuar helmin, Kërmilli i Tekstilit, përdor një konotoksinë për të vrarë prenë e tij. Goja e tij rrumbullake, është e aftë të zgjatet në çdo pjesë të guaskës së vet. “Pëlhura e artë” (nga vjen pseudonimi i saj), ka mjaftueshëm helm për të vrarë 20 njerëz të rritur. Ky kërmill gjuetar, e shënjestron gjahun e tij gjatë natës, sekreton kimikate në ujë për ta gjurmuar atë. Ai ushqehet kryesisht me krimba, peshq dhe molusqe.
5. Peshku i Gurtë
Një nga më helmuesit në botë, ky lloj peshku ka teknika të pabesueshme të maskimit, dhe fshihet në mes të shkëmbinjve në shtratin e detit. Është një nga peshqit më helmues që njihet. Edhe pse është një notar i ngadaltë, shpejtësia e tij gjatë sulmit ndaj gjahut, është më pak se 1sekondë.
Ai e lëshon helmin përmes shtyllës kurrizore, që është e armatosur me një grup prej 13 gjilpërash. Ky peshk, gjendet në oqeanet Indian, Paqësor dhe në Australi. Helmi i tij, është i mjaftueshëm, për t’i dëmtuar përjetë veshkat e njeriut.
4. Peshkaqeni i madh i bardhë
Renditet i pari për sulmet ndaj peshqve të tjerë, deri tek njerëzit. Janë notarë të mirë (shpejtësia 50 km/h), dhe jetojnë deri në 70 vjet. Peshkaqeni i bardhë, është peshku më i madh grabitqar në botë. Megjithëse njerëzit nuk janë në menynë e tyre të preferuar, çdo përballje fatkeqe me ta mund të jetë fatale ose traumatike. Ata kanë 300 dhëmbë, por nuk e përtypin ushqimin. Ushqehen me peshq të vegjël dhe delfinë.
3. Oktapodi me Rrathë Blu
Nëse dikush pa dashje do të kontaktonte me këtë oktapod në dukje të padëmshëm , ai do të merrte si dhuratën TTX (Tetrodotoxin), një toksinë jashtëzakonisht vdekjeprurëse. Kafshimet e tij janë zakonisht pa dhimbje, por viktima fillon shpejt të përjetojë mpirje, të vjella dhe vështirësi në të folur ose në lëvizje.
Helmi i këtij oktapodi, është 1000 herë më i fuqishëm se cianuri. Oktapodi me rradhë blu, është vetëm 12-20 cm i gjatë, dhe peshon vetëm 50 gram. Ai jeton jo më shumë se 2 vjet. Nëse preja është pak më larg, ai e lëshon helmin në ujë, dhe do të qëndrojë në pritje.
2. Krokodili i ujërave të kripura
Krokodili i ujërave të kripura, është më i madhi i grabitqarëve detarë në botë. Madhësia e tij është rreth 28 cm që në lindje. Meshkujt e kësaj specie, mund të rriten deri në të paktën 6.3 metra gjatësi. Ai mund të dominojë mbi peshkaqenët, dhe kësisoj mbi të gjitha kafshët detare. Krokodili i ujërave të kripur ka forcën më të madhe të kafshimit (16,000 Njuton) të regjistruar ndonjëherë, ose 10 herë më shumë sesa peshkaqeni i bardhë. Ky lloj krokodili mund të gjendet në të gjithë Azinë Juglindore, por edhe në Indi. Ai është e fuqishëm, i shpejtë nën ujë dhe i shpejtë edhe në tokë. Pre e tyre janë një gamë e gjërë kafshësh, përfshirë majmunët, kangurët, buajt dhe peshkaqenët.
1. Kandili blu i detit
Një nga krijesat më të rrezikshme detare të botës, kandili i detit ekziston në të gjitha oqeanet. Më shumë se 100 njerëz vdesin çdo vit nga helmi i tij. Toksinat në helmin e kësaj krijese, shkaktojnë vdekje të menjëhershme, për shkak të pushimit të zemrës. Ky lloj kandili jeton kryesisht në ujërat bregdetare në Australinë e Veriut, dhe gjithë zonën e Indo-Paqësorit.
Një kandil deti ka deri në 15 tentakula, dhe rreth 5000 qeliza thumbuese.
Ai ka një ngjyrë blu të zbehtë, dhe është transparent. Një goditje e vetme e tij, mjafton për të vrarë 60 njerëz, nëse helmimi nuk trajtohet brenda 3 minutave. Dieta e saj përbëhet nga peshq të vegjël, karkaleca dhe nganjëherë lloje të tjera të kandilëve të deti.
