Lideri i Iniciativës Qytetare “Liria, Demokracia, Drejtësia” në Kosovë, Oliver Ivanoviç, do të varroset sot në Beograd. Ivanoviç u vrara të martën para zyrës së tij në Mitrovicën e veriut.
https://youtu.be/Bn8IR2nEHZE
Funerali do të nisi në orën 12:30 në Kishën Ortodokse Serbe në kompleksin e varrezave “Novo Groblje” të Beogradit.
Vëllai i Ivanoviçit, Mirosllav Ivanoviç, ka thënë se familja ka pranuar propozimin e Qeverisë së Serbisë që i ndjeri të varroset atje, ashtu si edhe disa nga njerëzit më të rëndësishëm në historinë serbe.
Ndërsa është bërë e ditur se familja e Oliver Ivanoviq nuk do të kthehet në Kosovë.
Të shumtë ishin qytetarët, miqtë, të afërmit dhe kolegët që ishin të pranishëm në ceremoninë e homazheve në nder të Ivanoviç. Mes tyre ishte dhe gruaja e tij Milena Popoviç-Ivanoviç.
Telegraf.rs po raporton se Milena Popoviç-Ivanoviç tha se ajo dhe djali i saj i vogël nuk do të ktheheshin në Kosovë.
“Djali im dhe unë nuk do kthehemi në Mitrovicë, qytetin e frikës, errësirës dhe dhimbjes, Oliver jonë dha jetën e tij për Kosovën dhe për Serbinë, dhe kur ai kërkoi ndihmë, kërkoi mbrojtje, nuk ishte askush atje. Ai është një hero, por ku ishin ata njerëz që e lavdëronin, kur ne kishte nevojë për ndihmë”, ka thënë ajo.
Vrasja e Ivanoviçit ka rritur tensionet dhe ka bërë që bisedimet midis Kosovës dhe Serbisë, të ndërmjetësuara nga Bashkimi Evropian, të pezullohen.
Kryeministri i Kosovës, Ramush Haradinaj, ka sugjeruar se vrasja është rezultat i ndërhyrjes nga jashtë. TIRANA TODAY
