Gjatë protestës së disa prej studentëve, që kanë bllokuar Zogun e Zi, ka ndodhur një incident. Studentët janë përplasur me fatorinon dhe shoferin e urbanit të Unazës së Madhe, që kanë hyrë kundravajtje në rrethrrotullimin e Zogut të Zi, drejt protestuesve.
Gazetari në terren i Tirana Today raporton se në këtë moment studentët kanë vërshuar drejt autobusit, duke u përplasur me fatorinon e shoferin, por ky i fundit ka pretenduar se thjesht po kthente autobusin.
Madje, disa nga studentët e kanë cilësuar këtë si një provokim të kryetarit të Bashkisë, Erion Veliaj. Si përfundim, i bllokuar nga të gjitha anët, shoferi ka braktisur autobusin duke e lënë në rrethrrotullim të Zogut të Zi dhe është larguar.
Nuk dihet se sa do zgjasë protesta, apo nëse studentët do të qëndrojnë deri vonë, ndërsa tashmë ata janë ndarë në tri grupime: para Ministrisë së Arsimit, në Zog të Zi dhe grupi i tretë po marshon drejt Kryeministrisë.
