Një imam nga Kosova thotë se vajzat dhe gratë nuk duhet të lejohen të shkojnë në plazh gjatë periudhës së agjërimit pasi konsiderohet mëkat.
Ai u bën thirrje besimtarëve myslimanë që të mos i lejojnë gratë apo vajzat që të shkojnë në plazh. Madje ai shkon më tutje kur sugjeron se ato duhet që të rrihen me bishtin e sëpatës po të jetë e nevojshme.
Teksa bashkëbisedon në një xhami bashkë me disa besimtarë të tjerë, imami u bën thirrje prindërve që gjatë periudhës së agjërimit të mos lejohet ky lloj mëkati.
“Mos i leni me shku në det, gratë gjatë Ramazanit. Bishtin e sakicës (lloj sëpate) e keni pas dere? Nëse është nevoja përdoreni,” deklaron Imami.
Video e imamit është bërë virale ditët e fundit në rrjetet sociale.
