Krimet e përbindshme të Adolf Hitlerit, në Gjermani dhe vendet e pushtuara prej saj gjatë Luftës së Dytë Botërore, nuk do të ishin të mundura pa mbështetjen e plotë tek policia e tij sekrete, Gestapo. E formuar më 26 prill 1933 nga Herman Gëring, Gestapo u shndërrua shpejt në një shtet brenda shtetit.
Ajo arrestoi, burgosi, turturoi dhe zhduku pa lënë pa gjurmë qindra mijëra njerëz. Një dekret i posaçëm i Hitlerit në shkurtin e vitit 1936, e përjashtoi Gestapon nga llogaridhënia para gjykatave. Shumë nga anëtarët e kësaj policie ishin ekstremistë nazistë dhe ish-kriminelë, që ishin të pamëshirshëm ndaj të ndaluarve.
Policia sekrete, nuk mund të kishte sukses pa ndihmën dhe mbështetjen e civilëve. Ndaj Gestapo, i inkurajonte qytetarët gjermanë të raportonin çdo person “të dyshimtë” tek policia lokale. Në fillim të Luftës së Dytë Botërore, numri i agjentëve të saj në Gjermani ishte rreth 40.000. Më pas, numri i agjentëve, informatorëve dhe anëtarëve në Gjermani dhe vendet e pushtuara, shkoi në mbi 150.000.
Të dyshuarit, kishin vetëm 3 minuta t’i thoshin lamtumirë familjes së tyre. Më pas do të mbylleshin në qelinë më të afërt të policisë, ku detyroheshin të nënshkruanin Formularin D-11, ku pranonin se kishte rënë dakord të shkonin vetë në burg. Gestapo ishte përgjësese për identifikimin dhe dërgimin e më shumë se 10 milionë njerëzve, hebrenj dhe të tjerë në kampet e tmerrshme të përqendrimit. Pas luftës, Gestapo u shpërbë. Gjykata e Nurenbergut, identifikoi, arrestoi, gjykoi dhe dënoi mijëra ish-anëtarë dhe ish-drejtues të saj.
TIRANA TODAY
